இந்த நூலில் எழுத்துக்கள் அலங்காரமல்ல; அவை உன்னைத் தேடச் சொல்வதற்கான அழைப்புகள். அழகுச் சொற்களின் ஆடம்பரத்தில் கவிதைகள் அவதரிக்கவில்லை; உன் உள்ளத்தோடு பேச, உன் வாழ்க்கையை வழிநடத்த, வாழ்வில் பின்பற்ற வேண்டிய வழிகளையும் முறைகளையும் உணர்த்தும் வகையிலேயே அவை உருவெடுத்துள்ளன. இங்கு “உன்னைத் தேடு” என்ற ஆன்மிகச் சிந்தனையும் உண்டு, அநியாயத்திற்கு எதிராக குரல் கொடுக்கும் சமூகக் கவிதையும் உண்டு; பெண்மையின் பெருமையை மண்ணின் மணத்தோடு உயர்த்திப் பேசும் வலிமையான வார்த்தைகளும் உண்டு. புகழ்ச்சியும் இல்லை, இகழ்ச்சியும் இல்லை—ஆக்கம் நிறைந்த, ஊக்கம் ததும்பும், உன்னை எழுப்பும் நம்பிக்கையே கவிதைகளின் உயிர். வாசகனே, உங்கள் கைகளில் கவிதை மலராகும், கண்களுக்கு வரிகள் விருந்தாகும், சொற்கள் பொருளாய் மனதிற்குள் பதியும். இந்த நூல் உங்களில் எளிதாகப் பயணித்து, உங்களை உங்களிடமே மீண்டும் அறிமுகப்படுத்தி, உயிரோடு வைத்திருக்கும் ஆழமான மொழியாய், நம்பிக்கையின் ஒளியாய் கவிதை வடிவில் மலர்ந்து நிற்கிறது என் “உயிர் தமிழ்”.
இது வலி வழியாக நடந்த ஒவ்வொரு மனிதனின் உண்மை பயணம். ஏனெனில் வாழ்க்கை பயணத்தில் வலிகள் அதிகம்; இந்தப் பக்கங்களில் அழகான நாட்கள் குறைவாக இருக்கலாம், ஆனால் உண்மையான நாட்கள் அதிகம். ஒவ்வொரு மௌனமும் ஒரு போரின் முடிவு. இந்த எழுத்துகள் யாரையும் குற்றம் சொல்லவில்லை; ஆனால் உருவாக்கிய அனைத்தையும் மறைக்கவும் இல்லை. அவமானம் அடையாளமான இடத்தில், வலி வலிமையான இடத்தில், மௌனம் மொழியான இடத்தில் இந்த நூல் தொடங்குகிறது. வாசகனே, நீ இதில் என்னை காணவில்லை, ஆனால் உன்னை காணக்கூடும். ஏனெனில் இது என் கதை அல்ல—விழுந்தும் எழுந்த அனைவரின் கதை. இதன் பக்கங்கள் முடிந்தாலும் பயணம் முடியாது. ஏனெனில்… கவிதையே என் பயணத்தின் முத்திரை!
Write your review for this book (optional)
Review Deleted
Your review has been deleted and won’t appear on the book anymore.
சுதாசங்கர்
கவிஞன் ஆக வேண்டும் என்று நான் கனவு கண்டதில்லை… ஆனால் காலத்தின் விரல்கள் என்னை மெதுவாக கவிதையின் வழியே நடத்தி வந்தன. சிறு வயதிலிருந்தே தமிழ் மீது அழியாத பற்று, ஆழமான காதல் இருந்தது. அந்த காதலின் விளைவாக சிறு சிறு சொற்கள் கவிதைகளாக மாறி என் உள்ளத்தை மகிழ்வித்தன. அந்த பயணத்தின் முதல் அடியாக “தமிழ் அமுதம் – பகுதி ஒன்று” சில தலைப்புகளில் கவிதை மலர்களாக வாசகர்களை சென்றடைந்தது. இன்று அந்தப் பயணம் இரண்டாம் பகுதியாக உங்கள் கரங்களில் மலர்கிறது.
இந்த நூல் வெளிவர அன்பும் ஆதரவும் அளித்த எனது பாசமிக்க கணவர் உயர்திரு சங்கர் அவர்களுக்கு என் இதயப்பூர்வமான நன்றிகள். முதல் தொகுப்பை அன்புடன் வாங்கி வாசித்த அனைத்து வாசகர்களுக்கும் என் பணிவான நன்றி. என் வாழ்வின் முதல் ஆசான்களான மறைந்த என் பெற்றோர் சுப்பிரமணிய ஐயர் – சரஸ்வதி தம்பதியர்களின் பொற்பாதங்களில் இந்தக் கவிதைப் பூக்களை பணிவுடன் சமர்ப்பிக்கிறேன். இந்நூல் சமுதாயத்திற்கான ஒரு சிறு சமர்ப்பணமாகவும் மகிழ்வுடன் அர்ப்பணிக்கப்படுகிறது.
இந்தப் பக்கங்களில் உண்மை இருக்கலாம், வலி இருக்கலாம், மௌனம் இருக்கலாம் — ஆனால் பொய் இருக்காது. ஏனெனில் கவிதையே என் பயணத்தின் முத்திரை.
— ஆசிரியர்
சுதாசங்கர் ✍️
