ശരിയെന്നുറപ്പുണ്ടെങ്കിൽ ഓരോ കാര്യത്തിനും സ്വന്തം തീരുമാനങ്ങളിലുറച്ചു നിൽക്കുന്നതാണ് ഏതൊരു വ്യക്തിയുടേയുംജീവിതവിജയത്തിന് അഭികാമ്യമെന്നു "അമൃതകല്ലോലിനി "യിലെ "ലഘുനോവൽ "നമ്മെ പഠിപ്പിക്കുന്നു. ഇതിലെ നായികാ കഥാപാത്രത്തിലൂടെ, ജീവിതത്തിന്റെ തുരുത്തുകളി ലൊറ്റപ്പെട്ടുപോയ ഒരു സ്ത്രീയുടെ ആത്മനൊമ്പരങ്ങളാണ് വരച്ചുകാട്ടിയിരിക്കുന്നത്. ഹൃദയ ഹാരിയായ ഈ നോവലിൽ, ജീവിതപുസ്തകത്തിൽ എഴുതിച്ചേർക്കുന്ന വേദനയുടെ നൊമ്പരം നിറഞ്ഞുനിൽക്കുന്നുണ്ട്.
"അമൃതകല്ലോലിനി "എന്ന പുസ്തകത്തിലെ കവിതകൾ ഹൃദ്യവും, അർത്ഥവത്തായതും, സമകാലിക പ്രസക്തിയുള്ളതുമാണ്. പ്രകൃതിയുടെ സൗന്ദര്യവും, ആകുലതകളും വ്യക്തമാക്കുന്ന കവിതകളുമുണ്ട്. ഭക്തിഗാനങ്ങൾ ഈശ്വര ചൈതന്യത്തെ ആവാഹിച്ചെടുത്ത വാക്കുകളാൽ വിരചിതമാണ്. ദേശഭക്തിഗാനങ്ങൾ നമ്മുടെ സംസ്കാരത്തേയും, ദേശീയതയേയും വാനോളം ഉയർത്തിപ്പിടിക്കുന്നവയാണ്. സംഘ ഗാനങ്ങൾ ഏതു വേദികളിലും മികവോടെ അവതരിപ്പിക്കാവുന്നവയും, വഞ്ചിപ്പാട്ടുകൾ, നമ്മുടെ സാംസ്കാരിക പൈതൃകത്തെ വിളംബരം ചെയ്യുന്നവയുമാണ്.
Write your review for this book (optional)
Review Deleted
Your review has been deleted and won’t appear on the book anymore.
ഡോ. എൽ. ശ്രീരഞ്ജിനി
ഡോ. എൽ. ശ്രീരഞ്ജിനി
ആലപ്പുഴ ജില്ലയിൽ മാന്നാർ ശ്രീ മൂകാംബിക കലാക്ഷേത്രം ഡയറക്ടറും, കലാസമിതിയുടെ സെക്രട്ടറിയുമായി പ്രവർത്തിച്ചു വരുന്നു. 'പമ്പ ', താരാട്ട് എന്നീ കവിതാ സമാഹാരങ്ങൾ, 'ദേവീപ്രഭാവം '(കുത്തിയോട്ട പ്പാട്ടുകളുടെ സമാഹാരം ), 'അമൃതവർഷിണി ','ഒരേ പാതയിലെ സഞ്ചാരികൾ 'എന്നീ ഹ്രസ്വ നോവലുകൾ എന്നിവ പ്രസിദ്ധീകരിച്ചിട്ടുണ്ട്. ഒരു മലയാള സിനിമയ്ക്കുവേണ്ടി ഗാനരചന നിർവ്വഹിച്ചിട്ടുണ്ട്.
ഗുരുചെങ്ങന്നൂർ അവാർഡ്, കാവാലം നാരായണ പണിക്കർ അവാർഡ്, ദേവജ അവാർഡ്, പരസ്പരം മാസിക -'കെ. പി. ഗോപാലൻ നായർ അവാർഡ് ', 'ക്രിയാറ്റിഫ്' നോവൽ അവാർഡ്, 'നവോത്ഥാന സംസ്‌കൃതി അവാർഡ് ','ഭാരതീയ വിചാര കേന്ദ്രം' അവാർഡ്, 'അഭേരി -ഗാനമിത്ര അവാർഡ് ', മാന്നാർ ഉള്ളൂർ സ്മാരകസമിതിഅവാർഡ് ', ജനകീയ കലാവേദി കലാ പ്രതിഭാപുരസ്‌കാരം എന്നിവ ലഭിച്ചിട്ടുണ്ട്.
ഭർത്താവ് :ശ്രീ. മോഹൻദാമോദർ (ഹയർസെക്കന്ററി അദ്ധ്യാപകൻ )മക്കൾ :അദ്വൈത. എം. (എം. ഏ. ഇംഗ്ലീഷ് വിദ്യാർത്ഥിനി )അജയ. എം (എം. ബി. ബി. എസ്സ് വിദ്യാർത്ഥിനി).
