Happily ever after to bas ek myth hai Asal zindagi to chandni ki tarh kabhi thandi, sukoon se bhari hoti hai kabhi teekhi may ki garmi k tarh buhut tapati hai. Dekha jaye to yahi asli zindagi hai kabhi khatti kabhi meethi.
Aisi hi kahani hai ek ladke Sonu aur Tina ki college ki dosti se lekar office wale romance se guzarti hui inki story akhirkar gharwalo ko manage k baad 21 November 2021 ko finally shadi ho gai.
Waise to kahani jyadatar yahan khatam ho jati hai with Happily ever after
Magar humari kahani yahan se shuru hui hai
Song aur Tina apne honeymoon se wapas aaye hi hain, ab Sonu k office se phone aane lage hain, Tina bhi ghar sambhal rahi hai ,roz k kaam mai mushruf ho gai hai. Sonu bola aaj office jana hai tum khana pack kar de mera 9 baje niklunga. Vo dekh rahi usse mann hi mann soch rahi khana to mai bana dungi magar kal hi hum aaye hain wapas aur mujhe chod k jaa raha hai uske mann mai tees utth rahi thi.....akele nahi reh paugi ..magar bol nahi pai uski aankhe padh liya tha Sonu, office to jana hi tha, Tina khana taiyyar karne lagi aur dabba bana k mez par rakh diya. Boli suno pata nahi kaisa bana hoga magar jaisa bhi banaya hai buhut mann se banaya khaa kar batana....itne mai Sonu bola office mai khauga to tum mera reaction nahi dekh paogi aisa karte hain yahi p baith kar Kate hain saath mai...Tina k kuch samjh nahi aaya ...Sonu bola tumko peheli rasoi ka nek bhi to dena hai...maine work from home le liya hai office se.Saath mai khayege....fir kya tha Tina ki khushi ka thikana nahi tha. Sonu ko gale se lagaya aur thank you sweetheart boli aur fir dono apne kaam mai lag gaye.
Kai din guzar gaye Tina ki nai job lag gai thi dono subah nikal jate fir raat ko hi milte the....kaam ki jaddojehad mai kahan nai shadi , vo office wala pyar aur romance gum sa gaya tha.
6 mahine baad....
Sonu aaj kal project k silsile mai London mai tha , wahan kaam itna tha ki vo din mai ek baar Tina se baat bhi nahi kar pa raha tha, Tina bhi kuch time se apne mummy papa k yahan chali gai thi, wahin se office ka kaam bhi kar rahi thi .Dono ek dusre se door mann pura kaam mai. Tina k mann mai ab sawal utthne lage the log yahi kehete hain Happily ever after na hum vo rahe jo pyar k liye sab se lad jhagda kar ek dusre k hue aur na ab vo mann raha. Sawal ye hai ki happiness kya yahi hoti hai itni choti jo vo cheez milte hi khatam ho jaye?
Ye sawal hai khushi Hume apne mann mai paida karni hai aadmi kahi ho kitna dur ya apne kitne pass khushi aapke mann mai hai, usse kisi cheez se jodkar rakhoge to dum hi ghutega vo situation na hone par.
Tina ne London ja kar Sonu ko surprise diya aur wahan ki sadko p ab fir se romance mehek raha hai.
Ab London ki galiyo mai sonu aur Tina ki love story parlance chadd rahi thi ,tine ne apne berang se hote rishte mai indradhanushi rang bhar diye the.dkhte hi dekhte sonu ka London wala project bhi khatam ho gaya dono India wapas laut aaye.
6 mahine baad....
Ek weekend dono ne pass hi k ek hill station Jane ka plan banaya , Sonu aur Tina dono hi buhut excited the do din daud dhoop ki zindagi se sukoon k pal bitayege. Saturday subah subah hi dono apni gadi se nikal gaye rasta buhut hi sundar tha dono taraf jungle, chidiyo ki chehchahat thandi Hawa mai Mano sukh ghula ho aur naram si dhoop aaram de rahi thi. Lagbhag 2 ghante ki drive k baad dono ek rest house mai puhuche jiski booking Sonu pehele hi karwa chuka tha. Jaise hi puhuche unko wahan ek bhude kaka mile vo kuch alag se lage Tina ko , vo baar baar Sonu ko bol rahi thi ye kaka kuch ajeeb nahi lag rahe aur Sonu uski baat ko ansuna kar de raha vo us dak bangle ki khoobsurati ko Nihal raha tha....bilkul purane Zaman ki vibe aa rahi hai itne bade are rooms Hawa se bharpoor jharokhe dil bas usko dekhte hi jhoot utthe....Sonu ko dekh k Tina bhi ab us dak bangle ki khoobsurati mai kho gai.Kahi sapno sa lag raha tha khidki k bahar se hare barrel pahad bageeche mai mor nachte hue phoolo se bhari kyariyan Mano sapna ho jaise.
Dono fresh ho kar ghoomne nikal gaye. Din bhar ghum ke ab wapas rest house ki tafaf aa hi rahe the ki zor se barish Hone lagi Tina ne gadi rukwai aur neeche utarkar beech jungle k sadak par hirni ki tarh aisi nachi ki sara sama khushnuma ho gaya usne Sonu ko bhi bahar bulaya aur dono Romeo Juliette ki tarah us barish mai apna pyar ghol rahe barish aur tez ho gai dono k badan pure gile aur ek dusre mai simte hue vo bhul chuke the ki vo sadak par hai ek dusre mai ghul gaye Hon jaise. Dono ka pyar parwan chadh raha tha.,thodi barish kam hui dono dak bangle puhuche bheege hue.kaka ne unhe bheja dekh turant tauliya la k diya , bole yahan kabhi bhi barish ho jati hai aap log chaata le k jaiyega ab se ,Sonu bola kaka vo toh bheegne ka mann tha nahi to hum gadi mai hi the, ye bol kar tauliya le kar Sonu kamre mai chala gaya. Tina wahi thi khidki p khadi ho kar suhane mausam ko apne mann mai basa lena chahti thi. Tab hi kaka ji bole beti tum bilkul meri choti munni jaisi lagti ho, vo jyada nahi boli kuch haans kar kamre mai chali gai aur jate hue boli khana hum kamre mai hi khayege.
Thodi der baad ja kaka ji khana le kar aaye to dono thak k choor ho kar some lage the kaka k khane ki khushbu ne unhe jagah diya dono ne buhut hi chav se khana khaya jo ki bilkul maa k haath k khane ki yaad dila raha tha, Sonu kaka ji ko bola wahh kaka itna Swadisth khana maine kai saalo baad khaya hai aisa laga maa ne banaya ho. Kaka ji bole humare liye to aap log hi sab kuch hain isliye pure mann se app ki seva karte hain aap ko accha laga ye shabdo hi humari jama punji hain.itna keh kar kaka bartan samet kar bahar ko ja kar apne kaam karne lage, us din barish k karan Hawa bhi buhut tez thi pure dak bangle k darwaze , khidki, us k karan aawaz kar rahe the. ,Tina boli mujhe raat hote hi yahan buhut darr lag raha hai Sonu, yahan aaspass kaka k alawa koi dikhai bhi nahi deta. Sonu bola itna badhiya hai sab ab some hain subah sun rise point par bhi jana hai to jaldi utna hai.. aisa keh kar dono some ki taiyari karte hain...itne mai kaka ki away aati hai ...sahab raat ko kai dafe batti chali jati hai bahar jungle hone k karan jungli janwaro ki bhi aawaz aati hai. To aap thoda stark rahiye ga ....Mera kamre dak bangle k peeche hai....kuch lagta hai to aawaz laga dena mai aa jauga ....ye keh kar kaka chale gaye.
Ye sari baatin sun kar Tina k mann mai aur dar baith gaya vo ghabrane lagi Sonu se boli dekha mai bol rahi thi na mujhe yahan ajeeb lag raha hai...Sonu ne Tina ko bola aree kuch nahi hoga...aise kaun darta hai, aur usse apne se chipka kar Sula diya.
Aadhi raat ko jab ek dum se andhera ho gaya sari battiyan bujh gai zor se badal garage ki aawaz aai....Tina ki neend khul gai usne Sonu ko jor se pakad liye...Sonu kacchi pakki neend mai bola soja Tina abhi aa jayegi light....magar Tina ki neend ab nahi lagi uska dil zor zor se dhadakne laga ek dum se zorse bahar darwaze ki aawaz aai ....vo zor se chillai Sonu utth k baith gaya ...Tina tum kitna darti ho. Kaka honge dekhne aaye honge....vo nahi mani boli koi hai mujhe chalne ki aawaz aa rahi hai kisi ki Sonu uttha bahar gaya koi nahi dikha usse wapas aa kar bol kyu dar rahi ho koi nahi hai wahan dekh lo khud hi jaa kar, yuhi neend kharab kar rahi ho....ye keh kar vo soo gaya Tina ko abhi bhi lag raha tha koi to hai...usse fir kisi k chalne ki aahat hui vo himmat kar k kamre se bahar gai aur jaise hi usne mud kar dekha to zor se dahadti hui lomdi uski taraf a rahi thi vo cheekhi aur kamre ka darwaza lagana ki koshish kar rahi thi....ki Sonu bhagta hua aaya aur darwaze ko band karne mai jut gaya magar us jungli lomdi mai buhut takat thi vo buhut aakramak ho rahi thi....Sonu Tina kaka ko aawaz de rahe the magar barish mai shayad un tak vo puhuch nahi rahi thi kisi bhi pal darwaza khul gaya to ye lomdi humne nahi chodegi...vo suhani raat kisi bhayanak sapne mai badal gai thi .....bas dono soch rahe the ki aaj jaise taise kar k hum bach jaye .....magar vo lomdi ne darwaza tod diya aur Sonu aur Tina ki taraf attack kar diya....Utne mai ek goli chalne ki aawaz aai aur vo lomdi bhag gai ......kaka ne in dono ko aaj bacha liya tha..Sonu ko haath mai se buhut khoo. Aa raha tha kaka ne dawai lagai Patti kari aur dono ko aaram karne ko bola .Tina kaka ko dhanyawad karte nahi thak rahi thi ki aaj vo nahi hote to hum dono shayad zinda hi nahi hote.
Subah jate jate unhone kaka ko khub duaae di aur sahi salamat apne ghar chale gaye.
Zindagi khatti meethi kadvi beswad sab hoti hai.....Happily ever after sirf ek myth hai.
