"It was a wonderful experience interacting with you and appreciate the way you have planned and executed the whole publication process within the agreed timelines.”
Subrat SaurabhAuthor of Kuch Woh Pal
पहिल्या पुस्तकात आपण तीन मजेदार कथांमधून ग्रीक पुराणकथांचा आपल्या दैनंदिन आयुष्यावर होणारा प्रभाव उलगडला. आता या दुसऱ्या भागात आपण या अद्भुत, रोमांचक पुरातन कथांच्या गाभ्यात शिरतो—जिथे चमत्कार, संघर्ष आणि शहाणपण यांचा सुंदर संगम आहे.
झ्यूसच्या डोक्यातून, एखाद्या वज्रप्रकाशासारखी, संपूर्ण शस्त्रसज्ज योद्धा म्हणून जन्मलेली देवी अथीना, एक बोलकी, हसरी जंगलातील अप्सरा, एको, जिची अखंड बडबड एका शापामुळे रानातील प्रतिध्वनी होत विरून गेली आणि इकॅरस, एक तरुण मुलगा ज्याने आकाशात उडायची हिंमत दाखवली, पण वडिलांच्या सूचनांकडे दुर्लक्ष केले आणि…..
सजीव कॉमिक-शैलीतील चित्रे आणि वयोगटाला साजेशी रंजक मांडणी ह्या पुराणकथांना, सोप्या भाषेत नव्या पिढीसमोर जिवंत करते. शेवटी खास भर देत या प्राचीन गोष्टी आजच्या विज्ञान, भाषा आणि संस्कृतीवर कसा प्रभाव टाकतात, याचे सोपे विवेचन केले आहे.
वाचा, शिकवा, चर्चा करा – आणि ग्रीक पुराणांच्या अफाट विश्वात रंगून जा!
Write your review for this book (optional)
Review Deleted
Your review has been deleted and won’t appear on the book anymore.
डॉ. वैभव गोरडे
डॉ. वैभव गोरडे हे दुबईमधील एक नामांकित रुग्णालयात कार्यरत असलेले मूत्रशल्यविशारद (युरोलॉजिस्ट) आहेत. त्यांचा बहुतांश वेळ ऑपरेशन थिएटरमध्ये रुग्णांचे प्राण वाचवण्याच्या गंभीर कामात जातो. पण उरलेला वेळ ते वाचन, शिकणे आणि विशेषतः शिकवणे या त्यांच्या आवडत्या गोष्टींमध्ये घालवतात.
हॅरी पॉटरच्या जादूई जगापासून ते शेरलॉक होम्सच्या रहस्यांपर्यंत, लि चाईल्डच्या थरारक कथांपासून शंकर पाटीलांच्या ग्रामीण किस्स्यांपर्यंत आणि शेवटी अर्थातच ग्रीक पुराणकथांच्या भव्यतेपर्यंत – त्यांचे वाचनविश्व खूपच व्यापक आहे. त्यांची पत्नी ही एक कुशल प्लास्टिक सर्जन असून, त्यांची १२ वर्षांची मुलगी राष्ट्रीय पातळीची जिम्नॅस्ट आहे.
ही पुस्तकमालिका म्हणजे ऑपरेशन थिएटरच्या बाहेर त्यांनी केलेली सर्जनशील झेप आहे. आपल्या मुलीला मजेशीर आणि समजेल अशा पद्धतीने शिकवत असताना जे काही निर्माण झाले, ते आता इतर मुलांपर्यंत पोहोचवण्याचा प्रयत्न आहे. ग्रीक पुराणकथांच्या चित्तथरारक गोष्टी, आकर्षक रंगीत चित्रे आणि अभ्यासातील छुपे धडे—हे सगळं एकत्रित करून तयार झाले आहे हे खास कॉमिक पुस्तक. शिक्षण आणि करमणूक यांचा सुंदर मिलाफ असलेलं हे पुस्तक वाचकांना एका नव्या, कल्पक जगात घेऊन जातं.
